ინგლისის სუპერ თასის ფარგლებში მანჩესტერ სიტი არსენალთან ანგარიშით 0:3 განადგურდა. ეს იყო პირველი ოფიციალური მატჩი პეპ გუარდიოლას გარეშე და ასევე სადებიუტო ენცო მარესკას დამრიგებლობით. როგორც ვხედავთ, "ქალაქელთა" ახალი ერა ლონდონელებთან მძიმე წაგებით დაიწყო.
ეტიჰადის ბინადრები კრიტიკის ქარ-ცეცხლში გაატარა ყველამ, ვისაც არ ეზარებოდა. სოციალურ ქსელებში ხუმრობენ იმის შესახებ, რომ ქალაქ მანჩესტერში ტოპ კლუბი აღარ დარჩა და სიტი დაბრუნდა იქ, საიდანაც მოვიდა. ერთი სიტყვით, იტალიელი სპეციალისტი უდიდესი ზეწოლის ქვეშ უკვე იმყოფება.
"ქალაქ მანჩესტერში ტოპ კლუბი აღარ დარჩა"
"მან სიტი დაბრუნდა იქ, სადაც ყოველთვის იმყოფებოდა"
"გუარდიოლა წავიდა იმისთვის, რომ მისი მემკვიდრეობა დავაფასოთ"
"მან სიტის გულშემატკივრებმა გაიღვიძეს ახალ სამყაროში...იმ სამყაროში, სადაც გუარდიოლა აღარ არის"
"არსენალს კუთხურების ჩართვაც კი არ დასჭირდა საქმეში, იმდენად უსუსურია დღევანდელი მან სიტი"
