მოლდოვა ძალოსანთა შორის 2025 წლის ევროპის ჩემპიონატს მასპინძლობს, სადაც მონაწილეობას საქართველოს ეროვნული ნაკრებიც იღებს.
61 კგ. წონით კატეგორიაში სამი მედალი მოიპოვა გოდერძი ბერდელიძემ — ქართველი ძალოსანი ატაცში ბრინჯაოს (123 კგ.) დაეუფლა, ხოლო აკვრაში ვერცხლს (153 კგ.) და ორჭიდის ჯამში (276 კგ.) ევროპის ვიცე-ჩემპიონი გახდა.
დღეს საქართველოს ნაკრებს მედლები 55 კგ. წონით კატეგორიაში რამინ შამილიშვილმაც მოუპოვა, რომელიც აკვრასა (134 კგ.) და ორჭიდში (243 კგ.) მესამე ადგილზე გავიდა და ორი ბრინჯაოს მედლის მფლობელი გახდა.
ხვალ, საქართველოს ღირსებას ერთი ძალოსანი დაიცავს — ფიცარნაგზე 67 კგ. წონაში გურამ გიორბელიძე გამოვა.
