ბაიერნისა და საფრანგეთის ეროვნული ნაკრების ვარსკვლავი, მაიკლ ოლისე შესაძლოა ზაფხულის სატრანსფერო ფანჯრის ერთ-ერთი ყველაზე ხმაურიანი გარიგების მთავარი ფიგურა გახდეს. გავრცელებული ინფორმაციით, ფრანგ ფეხბურთელს რეალ მადრიდში გადასვლა დაუყოვნებლივ სურს, ხოლო "სამეფო კლუბი“ მის ტრანსფერზე აქტიურად მუშაობას იწყებს! შეგახსენებთ, რომ ფლორენტინო პერესი ოლისეს დამატების შესაძლებლობას ჯერ კიდევ გასულ კვირებშიც განიხილავდა, რის შესახებაც არაერთმა გამოცემამ დაწერა.
როგორც ერთ-ერთი გავლენიანი წყარო წერს, ბაიერნი 24 წლის შემტევის გაყიდვას მარტივად არ აპირებს და მის სანაცვლოდ შეიძლება €250 მილიონიც კი მოითხოვს. მიუხედავად ამისა, მადრიდელები მზად არიან საჭიროების შემთხვევაში კლუბის სატრანსფერო რეკორდი მოხსნან, რადგან ოლისეს დამატება მათთვის პრიორიტეტულია.
ზემოხსენებული წყაროების ინფორმაციით, მიუნხენურმა კლუბმა უკვე დაიწყო ოლისეს შესაძლო შემცვლელების ძიება, რაც კიდევ უფრო აძლიერებს ვარაუდს, რომ ფრანგის რეალ მადრიდში ტრანსფერი დიდი შანსია განხორციელდეს. თუმცა, საბოლოო გადაწყვეტილება მაინც ბაიერნზე იქნება დამოკიდებული, რომელიც ოლისეს მხოლოდ განსაკუთრებული შეთავაზების შემთხვევაში შეელევა.
უახლოეს კვირებში ოლისეს რეალ მადრიდში პოტენციურ ტრანსფერთან დაკავშირებით უფრო მეტი დაზუსტებული ინფორმაცია გახდება ცნობილი.
