ქართველი ჩოგბურთელი მარიამ ბოლქვაძე უიმბლდონის ტურნირზე წარმატებულ ასპარეზობას განაგრძობს.
საკვალიფიკაციო ეტაპის წარმატებით დაძლევის შემდეგ, ბოლქვაძემ ძირითად ბადეში დიდი სენსაცია დააფიქსირა და ავსტრალიელი ტომლიანოვიჩი დაამარცხა.
პირველი სეტი ბოლქვაძემ 6:2 მოიგო, მეორე სეტში ანალოგიური ანგარიშით დამარცხდა, გადამწყვეტ სეტში კი ბოლქვაძემ ბრეიკით უპირატესობა მოიპოვა და 6:4 გაიმარჯვა. ცნობისთვის, ბოლქვაძე მსოფლიოს 545-ე, ხოლო ტომლიანოვიჩი 94-ე ჩოგანია.
უიმბლდონის ღია პირველობის შემდეგ რაუნდში ბოლქვაძის მეტოქე კრუგერსა და ვეკიჩს შორის გამარჯვებული იქნება.
