75 წლის ასაკში ლეგენდარული კევინ კიგანი გარდაიცვალა. ერთ-ერთი საუკეთესო მოთამაშე ინგლისური ფეხბურთის ისტორიაში, ვინც კარიერის მანძილზე 2 ბალონ დ'ორის მოგებაც მოასწრო. "3 ლომის" ექს-ფორვარდს სხვადასხვა დროს კვეთა ჰქონდა ქართველებთანაც, ყველაფერი კი დაიწყო ევროპის მთავარი საკლუბო ტურნირის 1979/80-ის სეზონის მე-2 რაუნდში, რომელშიც თბილისის დინამო ჰამბურგს შეხვდა.
"როტოზენის" მთავარი ვარსკვლავი და ლიდერი იყო სწორედ ინგლისელი შემტევი, ვინც იმ მომენტში ოქროს ბურთის მოქმედი მფლობელიც იყო. ჰსვ-სთან დუელამდე 1 ეტაპით ადრე, "ლურჯ-თეთრებმა" მოუგეს ლივერპულს...გუნდს, რომელშიც "თაგვმა" თავის დროზე 9 ტიტულის მოგება მოახერხა.
ის დუელი მოინათლა როგორც ჰამბურგის შვიდიანისა და დავით ყიფიანის დაპირისპირებად - ორივე ფეხბურთელმა გაიტანა ორ-ორი გოლი, გამარჯვებული კი ორი შეხვედრის ჯამში გამოვიდა გერმანული კლუბი, რომელმაც ჯერ შინ მოიგო 3:1, შემდეგ კი სტუმრად 2:3. კიგანისა და "როტოზენის" შეჩერება აღნიშნულ სეზონში მხოლოდ ფინალისტმა ნოტინგემ ფორესტმა შეძლო.
