რამდენიმე დღის წინ, შანდონგ ტაიშანის ქართველმა ფორვარდმა ვაკო ყაზაიშვილმა LaGazzetta.ge-ს ვრცელი ინტერვიუ მისცა.
ინტერვიუს ბოლოს, ყაზაიშვილმა მისი ვერსიით ყველა დროის საუკეთესო 11 ფეხბურთელი დაასახელა.
"კარში ბუფონს დავაყენებდი, რადგან ბავშვობიდან იტალიური ფეხბურთის გულშემატკივარი ვარ და ბუფონი ძალიან მომწონდა. მარჯვენა ფლანგზე დანი ალვეშს, რომელიც მესისთან მოედანზე კარგად შეწყობილი იყო და ლამაზ ფეხბურთს თამაშობდნენ.
დაცვის ცენტრში რამოსი და ტერი, რომლებიც ლიდერები და კაპიტნები იყვნენ. თან, გოლების გატანაც შეეძლოთ. რობერტო კარლოსის მსგავსი სტილის მარცხენა მცველი ჯერ არ ყოფილა. მას ყველაფერი შეეძლო.
ნახევარდაცვაში პირლოს დავაყენებდი, რომელიც ჯარიმებს უმაღლეს დონეზე ასრულებდა. მასთან ერთად შუა ხაზში ზიდანს და ინიესტას მოვიაზრებ.
რაც შეეხება შეტევის ხაზს, ჩემი ტრიო ასეთია - კრიშტიანო რონალდუ, ლეო მესი და რონალდო", - გვითხრა ყაზაიშვილმა.
