გავლენიან ევროპულ გამოცემებს თუ დავუჯერებთ, მიმდინარე სეზონის დასრულების შემდეგ ბრედლი ბარკოლამ შესაძლოა პარი სენ-ჟერმენი დატოვოს. დიახ, მხარეები ახალ კონტრაქტზე ამ დრომდე ვერ თანხმდებიან, ფრანგი შემტევის მიმართ ინტერესი კი ყოველდღიურად იზრდება.
დადასტურებულად შეგვიძლია ვთქვათ, რომ ლივერპული და არსენალი 23 წლის ფეხბურთელის დამატებას სერიოზულად განიხილავენ და ამის შესახებ პარიზულ კლუბშიც ინფორმირებულნი არიან. როგორც მერსისაიდელები, ისე ლონდონელები ახალ მარცხენა ვინგერს ეძებენ, ბარკოლა კი მათთვის ერთ-ერთი მთავარი სამიზნეა.
რაც შეეხება ბარკოლას შესაძლო შემცვლელს, პარი სენ-ჟერმენს მთავარი სამიზნე უკვე შერჩეული ჰყავს — იან დიომანდე. ლაიფციგის ახალგაზრდა ვინგერი კლუბში ყველას მოსწონს და თუ ბარკოლა პარიზს დატოვებს, ლუიშ კამპუში ყველაფერს გააკეთებს, რათა 19 წლის ფეხბურთელის ტრანსფერი დახუროს. ინფორმაციისთვის იმასაც გეტყვით, რომ დიომანდეს მიმართ სერიოზულ ინტერესს ლივერპულიც იჩენს.
ზაფხულის სატრანსფერო ფანჯრის მოახლოებასთან ერთად, ბარკოლასა და დიომანდეს მომავალთან დაკავშირებით კიდევ უფრო მეტი ინფორმაცია გახდება ცნობილი.
