ცნობილ ტელეწამყვანს, პირს მორგანს ჰკითხეს, თუ რას ფიქრობს ის მორგან როჯერსის ტრანსფერზე ბირმინგემის ასტონ ვილადან ლონდონის ჩელსიში. შეგახსენებთ, ინგლისელი ფლეიმეიქერის სანაცვლოდ "ლომები" მიიღებენ 138 მილიონამდე ევროს, თავად მოთამაშე კი პრემიერ ლიგის ისტორიაში ერთ-ერთი ყველაზე ძვირადღირებული იქნება.
"სასაცილო ფასია. ასეთი დიდი თანხის სანაცვლოდ ვინისიუსის ან კვარაცხელიას ტრანსფერს ველოდებოდი", - წერს ინგლისელი ტელეწამყვანი სოაციალურ ქსელში. შეგახსენებთ, "არისტოკრატების" მომავალი ფლეიმეიქერი 2019-2023 წლებში ირიცხებოდა მანჩესტერ სიტიშიც, მაგრამ მთავარ გუნდში მას 1 შეხვედრაც არ ჩაუტარებია.
იჯარით რამდენიმე კლუბში თამაშის შემდეგ, 23 წლის ნახევარმცველმა საკუთარი თავი იპოვნა უნაი ემერის გუნდში, რომლის შემადგენლობაშიც 125 შეხვედრაში 31 ბურთი გაიტანა. ვილა პარკის მკვიდრთა მე-19 ნომრის სტემფორდ ბრიჯზე გადასვლა უახლოეს პერიოდში ოფიციალურად დადასტურდება.
