ლეგენდარულმა ფრანჩესკო ტოტიმ განიხილა, თუ რამდენად რეალურია ხვიჩა კვარაცხელიასთვის ოქროს ბურთის მოგება. ვეტერანმა თავდამსხმელმა გამოარჩია ქართველი ვინგერის ძლიერი მხარეები, მაგრამ აღნიშნა, ბალონ დ'ორს მიიღებს ის, ვინც მუნდიალის ტრიუმფატორი გახდება.
"ვის უნდა გადაეცეს ოქროს ბურთი? ვინც გაიმარჯვებს მსოფლიო ჩემპიონატზე, წლის საუკეთესო ფეხბურთელიც ის იქნება. კვარაცხელია? ჩვენ ვსაუბრობთ ძალიან კარგ მოთამაშეზე, რომელიც წლიდან წლამდე უფრო იზრდება. ხვიჩა თამაშობს პარი სენ-ჟერმენში, გუნდში, რომელმაც ევროპის მთავარი საკლუბო ტურნირი ზედიზედ 2-ჯერ მოიგო.
პსჟ-ს შემტევი მუდმივად ყურადღების ცენტრშია და აქედან გამომდინარე, ოქროს ბურთის მოპოვების შესაძლებლობა მომავალში მას აუცილებლად ექნება. წელს უბრალოდ მნიშვნელოვან როლს მუნდიალზე დაფიქსირებული შედეგი ითამაშებს", - განაცხადა იტალიელმა ვეტერანმა.
