როგორც მოგეხსენებათ, ნიკო პასის მომავალი გაირკვა - ახალგაზრდა ნახევარმცველი არც მადრიდის რეალში დარჩება და არც მილანის ინტერში გადავა, ის კომომ 60 მილიონ ევროდ გამოისყიდა. კლუბმა, რომელმაც არც ისე დიდი ხნის წინ თავი დააღწია ქვედა დივიზიონს, კალჩოს ისტორიაში ერთ-ერთი ყველაზე ძვირადღირებული გარიგება განახორციელა.
არგენტინელ ნახევარმცველზე მეტი სერია ა-ში გადახდილია მხოლოდ შვიდი ფეხბურთელის ტრანსფერში. საუბარია კრიშტიანუ რონალდუზე, გონსალო იგუაინზე, მატის დე ლიხტზე, დუშან ვლაჰოვიჩზე, არტურ მელოზე, ვიქტორ ოსიმენსა და რომელუ ლუკაკუზე. მათ შემდეგ სწორედ "ბიანკობლუს" ფლეიმეიქერი მოდის.
სერია ა-ს ყველაზე ძვირადღირებული ტრანსფერების ათეულს თუ შევხედავთ, აღმოვაჩენთ, რომ ძირითადად ჭარბობენ იუვენტუსის ფეხბურთელები, 1 წარმომადგენელი ჰყავთ "ნერაძურის", ნაპოლისა და ლაციოს, 10-ეულს მიღმა არიან მილანი და რომა, დღეიდან კი რეკორდული გარიგებების სიაში "ტბისპირელებიც" ფიგურირებენ.
სერია ა-ს ყველაზე ძვირადღირებული ტრანსფერები
| კრიშტიანუ რონალდუ | რეალიდან - იუვენტუსში | 117 მილიონი ევრო |
| გონსალო იგუაინი | ნაპოლიდან - იუვენტუსში | 90 მილიონი ევრო |
| მატის დე ლიხტი | აიაქსიდან - იუვენტუსში | 85.5 მილიონი ევრო |
| დუშან ვლაჰოვიჩი | ფიორენტინადან - იუვენტუსში | 85.4 მილიონი ევრო |
| არტურ მელო | ბარსელონადან - იუვენტუსში | 80.6 მილიონი ევრო |
| ვიქტორ ოსიმენი | ლილიდან - ნაპოლიში | 78.9 მილიონი ევრო |
| რომელუ ლუკაკუ | მანჩესტერ იუნაიტედიდან - ინტერში | 74 მილიონი ევრო |
| ნიკო პასი | რეალიდან - კომოში | 60 მილიონი ევრო |
| ტეონ კოპმაინერსი | ატალანტადან - იუვენტუსში | 58.4 მილიონი ევრო |
| ერნან კრესპო | პარმადან - ლაციოში | 56.8 მილიონი ევრო |
