იან დიომანდეს ტრანსფერის გაოფიციალურების შემდეგ, მადრიდის რეალის მიმდინარე ზაფხულის ხარჯები 175 მილიონ ევრომდე გაიზრდება. "სამეფო კლუბს" ივუარელი ვინგერი 100 მილიონი დაუჯდება. მის გარდა, დენზელ დუმფრისი (20 მილიონი) და მარკ კუკურეია (55 მილიონი) უკვე სანტიაგო ბერნაბეუზე არიან.
არ უნდა დაგვავიწყდეს ისიც, რომ ფლორენტინო პერესის კლუბში გადმოვიდნენ ბერნარდუ სილვა და იბრაჰიმა კონატეც, თუმცა თავისუფალი აგენტის სტატუსით. 175 მილიონი ერთი შეხედვით ასტრონომიული თანხაა, მაგრამ რეალმა სინამდვილეში დახარჯა სულ რაღაც 27 მილიონი, დანარჩენი 148 მილიონი კი აკადემიის მოთამაშეების გაყიდვით გამოიმუშავა.
თავად განსაჯეთ - ნიკო პასი (60 მილიონი, კომო), ვიქტორ მუნიოსი (25 მილიონი, გადაყიდვა ლივერპულში), მარიო ხილა (15 მილიონი, გადაყიდვა ლაციოში), ალვარო როდრიგესი (12 მილიონი, გადაყიდვა ბორნმუთში), ალექს ხიმენესი (12 მილიონი, გადაყიდვა ბორნმუთში), ჩემა ანდრესი (6 მილიონი, გადაყიდვა შტუტგარტში), რაფაელ ობრადორი (5 მილიონი, ბენფიკა), ფრან გარსია (4 მილიონი, ბეტისი), მარიო მარტინი (3.5 მილიონი, ხეტაფე), იუსი ენრიკესი (3 მილიონი, ალავესი), ხაკობო რამონი (2.5 მილიონი, კომო).
