კონფერენს ლიგის მეორე საკვალიფიკაციო ეტაპზე დინამო თბილისი ჟალგირისს დაუპირისპირდა და 3:0 გაანადგურა.
მატჩის შემდეგ პრესკონფერენცია დინამოელთა მთავარმა მწვრთნელმა თემურ ქეცბაიამ გამართა.
"პირველ ტაიმში ძალიან კარგად ვითამაშეთ, კარგია რომ 3 გოლი ისე გავიტანეთ, რომ გოლი არ გაგვიშვია და განმეორებითი მატჩის წინ კომფორტული უპირატესობა გვაქვს, თუმცა დასრულებული არაფერია.
თორნიკეს ვერ აჩერებდნენ, მან მეტოქე გუნდის მცველებს ბევრი პრობლემა შეუქმნა. მას დიდი ფეხბურთის თამაში შეუძლია, ჯერ 16 წლისაა და ყველაფერი წინ აქვს. ბევრს შრომობს და კიდევ განვითარდება.
არ უნდა გავჩერდეთ, 3:0 მოვიგეთ, მაგრამ დამსრულებული არაფერია და ეს ფეხბურთელებმა უნდა გაითავისონ. განმეორებით მატჩშიც მაქსიმუმი უნდა გავაკეთოთ", - განაცხადა ქეცბაიამ.
შეგახსენებთ, რომ ჟალგირისისა და დინამო თბილისის განმეორებითი შეხვედრა ერთ კვირაში, ვილნიუსში შედგება.
