TOP 10 — ზამთრის სატრანსფერო ფანჯარაზე ჩაშლილი გარიგებები:
ოლი უოტკინსი არსენლაში
"მეთოფეები" ინგლისელი ფორვარდის სანაცვლოდ €70 მილიონზე მეტს იხდიდნენ, თუმცა ბირმინგემელებმა ეს შეთავაზება დაბლოკეს. ამის მთავარი მიზეზი კი ის გახდა, რომ გუნდი ჯონ დურანმა დატოვა და უნაი ემერის არ სურდა მეორე ფორვარდის გაყიდვაც.
"მეთოფეები" ინგლისელი ფორვარდის სანაცვლოდ €70 მილიონზე მეტს იხდიდნენ, თუმცა ბირმინგემელებმა ეს შეთავაზება დაბლოკეს. ამის მთავარი მიზეზი კი ის გახდა, რომ გუნდი ჯონ დურანმა დატოვა და უნაი ემერის არ სურდა მეორე ფორვარდის გაყიდვაც.
კაურუ მიტომა ალ ნასრიში
სანამ საუდის კლუბი ჯონ დურანს დაიმატებდა, სტეფანო პიოლის გუნდი 27 წლის იაპონელის გაფორმებას ცდილობდა და მის სანაცვლოდ €80 მილიონზე მეტსაც კი იხდიდა. ძალიან დიდი თანხის მიუხედავად, ბრაიტონმა ეს გარიგება დაბლოკა და მიტომაც პრემიერ ლიგაში დარჩა.
სანამ საუდის კლუბი ჯონ დურანს დაიმატებდა, სტეფანო პიოლის გუნდი 27 წლის იაპონელის გაფორმებას ცდილობდა და მის სანაცვლოდ €80 მილიონზე მეტსაც კი იხდიდა. ძალიან დიდი თანხის მიუხედავად, ბრაიტონმა ეს გარიგება დაბლოკა და მიტომაც პრემიერ ლიგაში დარჩა.
კრისტოფერ ნკუნკუ ბაიერნში
ბაიერნი მატის ტელის შემცვლელს სატრანსფერო ფანჯრის მიწურულს ეძებდა და #1 სამიზნე ყოველთვის ფრანგი ფეხბურთელი იყო. ბევრი მცდელობის მიუხედავად, ჩელსიმ ნკუნკუ სეზონის შუა ნაწილში გუნდიდან არ გაუშვა. ისიც აუცილებლად უნდა ითქვას, რომ ფრანგ შემტევს ლონდონური გუნდის დატოვება სურდა.
ბაიერნი მატის ტელის შემცვლელს სატრანსფერო ფანჯრის მიწურულს ეძებდა და #1 სამიზნე ყოველთვის ფრანგი ფეხბურთელი იყო. ბევრი მცდელობის მიუხედავად, ჩელსიმ ნკუნკუ სეზონის შუა ნაწილში გუნდიდან არ გაუშვა. ისიც აუცილებლად უნდა ითქვას, რომ ფრანგ შემტევს ლონდონური გუნდის დატოვება სურდა.
ჯორდან ჰენდერსონი მონაკოში
გამოცდილ ინგლისელს კარიერის გაგრძელება ლიგა 1-ში სურდა, მეტიც, ამის გამო აიაქსთან კონფლიქტიც კი მოუვიდა, თუმცა ბოლო მომენტში ეს გარიგება ჩაიშალა და 34 წლის ფეხბურთელი ამსტერდამში დარჩა. როგორც შემდეგ გაირკვა, ჰენდერსონმა უფროსობას და გუნდელებს ბოდიში მოუხადა.
გამოცდილ ინგლისელს კარიერის გაგრძელება ლიგა 1-ში სურდა, მეტიც, ამის გამო აიაქსთან კონფლიქტიც კი მოუვიდა, თუმცა ბოლო მომენტში ეს გარიგება ჩაიშალა და 34 წლის ფეხბურთელი ამსტერდამში დარჩა. როგორც შემდეგ გაირკვა, ჰენდერსონმა უფროსობას და გუნდელებს ბოდიში მოუხადა.
ვიქტორ ბონიფეისი ალ ნასრიში
კაურუ მიტომას გარდა, საუდის კლუბი 24 წლის ნიგერიელი ფორვარდის დამატებასაც ცდილობდა. ბონიფეისმა სამედიცინო შემოწმება კი გაიარა, თუმცა ტრანსფერი ბოლო მომენტში მაინც ჩაიშალა და ფეხბურთელი ლევერკუზენში დარჩა.
ნოა ოკაფორი ლაიფციგში
მილანი სანამ ფეხბურთელს ნაპოლიში გაუშვებდა, შვეიცარიელი ახლოს იყო ბუნდესლიგაში გადაბარგებასთან. მხარეებს შორის ყველა დეტალი შეთანხმებული იყო, თუმცა 24 წლის ფეხბურთელმა სამედიცინო შემოწმება ვერ გაიარა და უკან, მილანში დაბრუნდა.
ალეხანდრო გარნაჩო ჩელსიში და ნაპოლიში
დიახ, არგენტინელი ფეხბურთელი ძალიან ახლოს იყო მანჩესტერ იუნაიტედის დატოვებასთან — განიხილებოდა ორი ვარიანტი, ჩელსი და ნაპოლი, თუმცა რუბენ ამორიმმა გარნაჩოს გაშვება დაბლოკა. იმის მიუხედავად, რომ როგორც ლონდონელები ისე ნეაპოლელებიც, საკმაოდ სოლიდურ თანხას იხდიდნენ, 20 წლის ვინგერი ოლდ ტრაფორდზე დარჩა.
ალან სენტ-მაქსიმინი ნაპოლიში
სანამ ნაპოლი ნოა ოკაფორს გაიფორმებდა, ანტონიო კონტე გუნდში ალან სენტ-მაქსიმინს ელოდებოდა. ნაპოლი და ფეხბურთელი ყველა დეტალზე შეთანხმებულები იყვნენ, თუმცა ფრანგის ამჟამინდელი გუნდი ფენერბაჰჩე და ალ აჰლი საიჯარო ხელშეკრულების ნაადრევად შეწყვეტაზე ვერ შეთანხმდნენ, შესაბამისად,27 წლის ვინგერის "პარტენოპეიში" ტრანსფერი ჩაიშალა.
საბა გოგლიჩიძე რომაში
ქართველი ფეხბურთელი "ჯალოროსიში" გადასვლასთან, რომ ახლოს იყო, ამის შესახებ ყველა წერდა, თუმცა გარიგება ბოლო წამს ჩაიშალა და დედაქალაქურმა გუნდმა 20 წლის მცველის მაგივრად, ვიქტორ ნელსონი გაიფორმა. საბა გოგლიჩიძე სეზონის ბოლომდე ემპოლიში დარჩება, ზაფხულში კი მის პოტენციურ ტრანსფერთან დაკავშირებით ბევრი სასაუბრო იქნება.
ჟოაუ ფელიქსი ასტონ ვილაში
25 წლის პორტუგალიელის დასამატებლად უნაი ემერიმ ყველაფერი გააკეთა, თუმცა ჩელსი ფეხბურთელის კონკურენტ გუნდში გაშვებას არ დათანხმდა. იმის მიუხედავად, რომ ბირმინგემელები ჟოაუს სანაცვლოდ სოლიდური თანხის გადახსას გეგმავდნენ, ეს ტრანსფერი მაინც არ შედგა. საბოლოო ჯამში, ფელიქსი 6-თვიანი მშრალი იჯარით მილანში გადაბარგდა.
