ტურინის იუვენტუსის ახალი გენერალური დირექტორი დამიენ კომოლი იქნება. წარსულში ის სხვადასხვა თანამდებობებზე მუშაობდა ისეთ გამორჩეულ კლუბებში, როგორიც არის ლივერპული, არსენალი და ტოტენჰემი. ამის გარდა, ფრანგმა ფუნქციონერმა თავის კარიერაში არაერთი საინტერესო ტრანსფერი გაჩარხა.
"სპურსში" მუშაობის დროს "ბიანკონერის" ამჟამინდელი გენერალური დირექტორის უშუალო აქტიურობით გაფორმებულები იქნენ ლუკა მოდრიჩი, გარეთ ბეილი და დიმიტარ ბერბატოვი. რაც შეეხება მერსისაიდში მუშაობის პერიოდს, 53 წლის ფუნქციონერმა ლუის სუარესი და ჯორდან ჰენდერსონი მიიყვანა.
კომოლი თავის ყველაზე დიდ გარიგებად თვლის ლეგენდარული ხორვატი გამთამაშებლის ტრანსფერს ზაგრების დინამოდან - ლონდონურ კლუბში. მადრიდის რეალის მომავალი ყველაზე ტიტულოვანი მოთამაშის უაით ჰართ ლეინზე გადასვლა იწვევდა ბევრ კითხვას, მაგრამ აღმოჩნდა, ფრანგმა ფუნქციონერმა ყველაფერი სწორად გააკეთა.
"ჩვენ არ ვეძებდით ფეხბურთელს, რომელიც აუცილებლად უნდა ყოფილიყო მაღალი და კუნთიანი, ტოტენჰემს სჭირდებოდა მოთამაშე ბურთის კონტროლის უნარით. რატომ მოდრიჩი? თამაშის სტილით ის თითქოს ახალგაზრდა პირლოსა და ჩავის ნაზავი იყო. დიახ, რისკი იყო უდიდესი, მაგრამ ლუკას ხელიდან ვერ გავუშვებდი."
