ტრანსფერი დაიხურა, გონსალუ რამუში პარი სენ-ჟერმენიდან კარიერას მილანში გააგრძელებს! მხარეებს შორის ყველაფერი შეთანხმებულია, პორტუგალიელი ფეხბურთელი სამედიცინო შემოწმებას უახლოეს საათებში გაივლის, რის შემდეგაც "როსონერისთან" 5-წლიან კონტრაქტს გააფორმებს. მილანი რამუშის სანაცვლოდ დაახლოებით €70/80 მილიონს (ბონუსების ჩათვლით) გადაიხდის.
მას შემდეგ, რაც რუბენ ამორიმი მილანის მთავარ მწვრთნელად დაინიშნა, პორტუგალიელმა ახალი ფორვარდის დამატება მოითხოვა. "როსონერის" სიაში სხვა მოთამაშეებიც იყვნენ, თუმცა პორტუგალიელი სპეციალისტისთვის 25 წლის ფებხურთელი ყოველთვის #1 სამიზნე იყო.
თუ ბოლო მომენტში რაიმე გაუთვალისწინებელი არ მოხდა, მილანი გონსალუ რამუშის ტრანსფერს ოფიციალურად უახლოეს დღეებში დაადასტურებს.
