მოლდოვის ჩემპიონატის ბინადარმა, ბიუკანის დაჩიამ სოციალური ქსელის საშუალებით კრიშტიანუ რონალდუს მიმართა. კლუბის ოფიციალურმა გვერდმა ლეგენდარულ პორტუგალიელ ფორვარდს ჩისნაუში გადმოსვლა შესთავაზა. მოლდოვური გუნდის იუმორისტულმა პოსტმა ინტერნეტ სივრცეში დიდი მოწონება დაიმსახურა.
"რონალდუს ალ ნასრთან არ გაუხანგრძლივებია კონტრაქტი, რაც ნიშნავს იმას, რომ ის ახალი წინადადებების მისაღებად მზად არის. დაჩიაში მიგვაჩნია, რომ კრიშტიანუსთვის საუკეთესო ვარიანტი იქნება ჩვენთან გადმოსვლა და ამას რამდენიმე მიზეზი აქვს. პირველ რიგში გვინდა აღვნიშნოთ, რომ რიადული გუნდის მსგავსად, ჩვენც ყვითელ და ლურჯ ფერებში ვთამაშობთ.
პორტუგალიელ თავდამსხმელს არ მოუწევს ახალ ფერებთან შეგუება. ამის გარდა, ჩვენ მას ვთავაზობთ ადგილს ბიუკანური კლუბის ადმინისტრაციასა და აკადემიაში. სანამ მომავალში გახდები რეალის ან მანჩესტერის დამრიგებელი, პირველი ნაბიჯები ჩვენთან გაიარე. გელოდებით, ჩვენი კომპლექტიც ძალიან გიხდება", - წერს ჩისნაუში მდებარე კლუბის ოფიციალური გვერდი.
