2002 წლის 7 სექტემბერს კრიშტიანუ რონალდუმ თავის კარიერაში პირველი გოლი გაიტანა. იმ დროს ახალგაზრდა გარემარბი ლისაბონის სპორტინგში თამაშობდა, მეტოქე კი მორეირენსე იყო. მატჩი ანგარიშით 3:0 დასრულდა, პორტუგალიელმა ვინგერმა კი დუბლი გაიფორმა. აღსანიშნავია ისიც, რომ ჩვენი სტატიის გმირი იმ დროს ცენტრში თამაშობდა.
მადრიდის რეალის ყველა დროის საუკეთესო ბომბარდირი ფლანგზე გადაიყვანა "ლომების" იმდროინდელმა მთავარმა მწვრთნელმა, ლასლო ბოლონიმ, რომელმაც თავისი გადაწყვეტილება შემდეგნაირად ახსნა:
"რონალდუ იმ დროს ფიზიკურად ძლიერი ჯერ კიდევ არ იყო. მას უჭირდა 90-კილოგრამიან შუახაზელებთან ბრძოლა.
ამის გამო, კრიშტიანუ გადავიყვანე ფლანგზე, სადაც მას სისწრაფის განვითარების უფრო მეტი შესაძლებლობა ექნებოდა", - იხსენებს რუმინელი დამრიგებელი.
შეგახსენებთ, რომ "თეთრ-მწვანეების" ყოფილი დამრიგებელი 2022-2024 წლებში მუშაობდა მეცში და მისი ერთ-ერთი შეგირდი გიორგი მიქაუტაძეც იყო.
