არგენტინის ნაკრების ყოფილმა მთავარმა მწვრთნელმა, ხორხე სამპაოლიმ კილიან მბაპეს შესახებ ისაუბრა. თავკაცმა აღნიშნა, რომ თავისი სათამაშო სტილითა და მენტალიტეტით, ფრანგი ფორვარდი უფრო ჰგავს კრიშტიანუ რონალდუს, ვიდრე ლიონელ მესის.
"მბაპე ფიქრობს მხოლოდ საკუთარ თავზე, ისე როგორც რონალდუ. ამ მხრივ მათ შორის მსგავსებას ვხედავ. რაც შეეხება მესის, სათამაშო სტილით მას ჰგავს არა კილიანი, არამედ იამალი. დიახ, ახალგაზრდა ვინგერიც ინდივიდუალისტია, მაგრამ ის დიდ ყურადღებას თანაგუნდელებთან შეთამაშებას უთმობს.
ფრანგი თავდამსხმელი რეალში? მის პოზიციაზე თამაშობს ვინისიუსი, ცენტრში კი ის კომფორტულად თავს არ გრძნობს. დიახ, მადრიდელთა ფორვარდმა შეაგდო მნიშვნელოვანი ბურთები, მაგრამ ის აღარ არის ის მოთამაშე, რომელიც იყო საფრანგეთის ჩემპიონატში ან თუნდაც კატარის მუნდიალზე"
