ვიქტორ ოსიმენმა კიდევ ერთხელ გვიჩვენა, რომ ის თანამედროვე ფეხბურთის ერთ-ერთი მოქნილი მოთამაშეა. ცოტა ხნის წინ გამართულ სტამბოლურ დერბიში ნიგერიელი ფორვარდი მე-2 სართულზე ბრძოლაში 2.81 მეტრით ახტა. შთამბეჭდავი შედეგია ნამდვილად, მაგრამ არა რეკორდული.
პირველ ადგილზე რჩება კრიშტიანუ რონალდუ, რომელიც ჩემპიონთა ლიგის 2012/2013 წლების სეზონის მერვედფინალში მანჩესტერ იუნაიტედის წინააღმდეგ 2.93 მეტრით ახტა. როგორც ვხედავთ, "ლომების" ფორვარდს პორტუგალიელი გოლეადორის რეკორდამდე სულ რაღაც 12 სმ დააკლდა.
ეს არ არის პირველი შემთხვევა, როდესაც ნიგერიის ნაკრების ცხრიანი საჰაერო ორთაბრძოლაში შთამბეჭდავ შედეგს დებს. ნაპოლიში თამაშის დროს, 26 წლის ფორვარდი სპეციას წინააღმდეგ გამართულ შეხვედრაში 2.58 მეტრით ახტა. ცნობისთვის, რეკორდულ ნახტომებს შორის აქამდე ეს მე-5 პოზიციაზე იყო.
ტოპ ხუთში ასევე არიან იუსეფ ენ-ნესირი (2.78 მეტრი), ბევის მუგაბი (2.62 მეტრი) და ფიკაიო ტომორი (2.61 მეტრი). რაც შეეხება ოსიმენს, როგორც ვხედავთ, მან თავისივე საუკეთესო მაჩვენებელი გააუმჯობესა. არ უნდა დაგვავიწყდეს ხვიჩა კვარაცხელიას თითქმის 3-მეტრიანი ნახტომი რენთან, რომელიც მართალია არ იყო თავური, მაგრამ მაინც გამოსარჩევია.
