მადრიდის რეალის ყოფილმა მთავარმა მწვრთნელმა, ფაბიო კაპელომ მსოფლიოს საუკეთესო ფეხბურთელების სამეული დაასახელა. იტალიელი სპეციალისტის არჩევანი ასეთია: ედსონ არანტეს დო ნასიმენტო პელე, დიეგო მარადონა და ლიონელ მესი. მან ასევე ახსნა, თუ რატომ არ აყენებს საუკეთესოებს შორის კრიშტიანუ რონალდუს.
" ყველა დროის საუკეთესო ფეხბურთელები? პელე, მარადონა და მესი. მათ შემდეგ ბრაზილიელ რონალდოს დავაყენებდი. რაც შეეხება კრიშტიანუს, ის კარგი მოთამაშეა, მაგრამ მათ დონეზე არ არის. დიახ, მან გაიტანა ბევრი გოლი, თუმცა ჩემს მიერ ჩამოთვლილი ფეხბურთელები მხოლოდ გოლების გატანით შემოფარგლულები არ იყვნენ. "
იტალიელი მწვრთნელის კომენტარმა სოციალურ ქსელებში არაერთგვაროვანი რეაქცია გამოიწვია. აღსანიშნავია ისიც, რომ ეს არ არის პირველი შემთხვევა, როდესაც "ბლანკოსის" ყოფილი სპეციალისტი რონალდუს დაკნინებას ცდილობს.
