ამის შემდეგ, "წითელმა ეშმაკებმა" თავის თავდამსხმელს გაუწყვიტეს კონტრაქტი, რის შემდეგაც ის ალ-ნასრში გადავიდა. ინგლისელმა მწვრთნელმა მხარი დაუჭირა "მანკუნიანელთა" თავკაცს და აღნიშნა, რომ კლუბმა ლეგენდარულ 7-იანთან განშორებით სწორი გადაწყვეტილება მიიღო. აქვე დავამატებთ, "ოცნებათა თეატრში" დაბრუნების შემდეგ, 39 წლის ფორვარდმა 54 მატჩში 27 ბურთის გატანა მოასწრო.
"ტენ ჰაგმა რონალდუსთან მიმართებით სამართლიანი და სწორი გადაწყვეტილება მიიღო. ის იყო ერთადერთი მწვრთნელი, რომელმაც ფეხბურთელის სათამაშო სტილთან მორგებაზე უარი თქვა. პირიქით, ერიკმა კრიშტიანუს მოახვია თავისი ფილოსოფია, რაც ფორვარდს არ მოეწონა. მკაცრი და კომპეტენტური თავკაცი სწორედ ასე უნდა მოიქცეს", - განაცხადა იამაიკის ეროვნული გუნდის დამრიგებელმა.
