მსოფლიო საკლუბო ჩემპიონატზე პარის სენ-ჟერმენთან მარცხის შემდეგ, რეალ მადრიდისთვის სეზონი დასრულდა, რაც ნიშნავს იმას, რომ კლუბი ლუკა მოდრიჩმა დატოვა. ლეგენდარული ფლეიმეიქერი კარიერას გააგრძელებს მილანში, "ბლანკოსში" კი ის ტოვებს მემკვიდრეობას, რომელიც 28 ტიტულს მოიცავს.
ხორვატმა გამთამაშებელმა სანტიაგო ბერნაბეუ დატოვა, როგორც გუნდის ისტორიაში ყველაზე ტიტულოვანმა ფეხბურთელმა, თუმცა აღსანიშნავია ის ფაქტი, რომ მისმა რეკორდმა შესაძლოა დიდხანს ვერ იარსებოს. "როსონერის" მომავალ ფლეიმეიქერს სულ რაღაც 1 ტიტულით ჩამორჩება დანი კარვახალი, რომელიც ჩაბი ალონსოს განკარგულებაში დარჩა.
იმ შემთხვევაში, თუ რეალი მომავალ სეზონში დაუეფლება ორ ტიტულს, გუნდის ყველაზე ტიტულოვან ფეხბურთელთა სიაში პირველ პოზიციაზე სწორედ ესპანელი განაპირა მცველი გადაინაცვლებს. აღსანიშნავია ისიც, რომ ვეტერანი ფლანგელი მადრიდიდან წასვლას ან კარიერის დასრულებას არ ჩქარობს.
