კრიშტიანუ რონალდუს ალ-ნასრი კვლავ დამარცხდა, ამჯერად ქარიმ ბენზემას ალ-იტიჰადთან. აღსანიშნავია ის ფაქტი, რომ მატჩის 49-ე წუთამდე რიადელები იგებდნენ 2:0-ს, მაგრამ შეხვედრის ბოლომდე 3 ბურთი გაუშვეს. ცნობისთვის, პორტუგალიელმა ფორვარდმა თავის ყოფილ ფრანგ თანაგუნდელთან ჯამში წააგო მე-4, ზედიზედ კი მე-2 თამაში.
"ყვითლების" გულშემატკივრებში მათი გუნდის მორიგმა მარცხმა გამოიწვია დიდი რეზონანსი და ბევრმა კაპიტნის გუნდიდან გაშვებაც მოითხოვეს. ერთ-ერთმა ქომაგმა კი აღნიშნა, რომ ალ-ავალ პარკის ბინადრებს სჭირდებათ ჟოზე მოურინიო, რადგან ის მისი აზრით ერთადერთია, რომელსაც ლეგენდარული მე-7 ნომრის გაშვება შეუძლია.
"გვპირდებოდა დიდებას, თუმცა ჭაობში ჩაგვითრია
ისევ დავმარცხდით და გამოიცანით ვინ ვერ გაიტანა კვლავ? დიახ, რონალდუმ. გაეთრიე ჩვენი გუნდიდან
მას შემდეგ, რაც ალ-ნასრში გადმოვიდა რონალდუ, ტიტული მოიგო ყველამ, ჩვენს გარდა. რით ვიამაყოთ, მისი გოლების რეკორდით?
პორტუგალიის ნაკრებს და ალ-ნასრს სჭირდება მოურინიო, ის ერთადერთია, რომელსაც რონალდუს გუნდიდან გაშვება შეუძლია"
