ლეგენდარულმა ლუკა მოდრიჩმაTG1-თნ ინტერვიუში მილანში ტრანსფერზე და მიმდინარე სეზონზე ისაუბრა.
"მილანში თამაში ჩემთვის ახლა საუკეთესო რამ არის. მე დიდებულ და ისტორიულ კლუბში ვარ, რომელსაც ბავშვობიდან ვგულშემატკივრობდი.
გუნდში ბევრი ნიჭიერი ფეხბურთელი ირიცხება და ჩვენ გვყავს მწვრთნელი, რომელმაც იცის რა არის გამარჯვება - წინ გრძელი გზაა, მაგრამ დიდი მოლოდინები მაქვს ამ სეზონთან დაკავშირებით. აქ გამარჯვებისთვის მოვედი. ჩემპიონთა ლიგაზე დაბრუნება მინიმალური მიზანია, მაგრამ იმედი მაქვს, კიდევ უფრო მეტს მივაღწევთ.
ბავშვობაში ჩემი კუმირი ბობანი იყო და მისი თამაშის ყურებით გავიზარდე. ასევე მალდინი, კაკა, პირლო და ზეედორფიც ჩემთვის მისაბაძი ფეხბურთელები იყვნენ.
იტალიის ჩემპიონატისდონე ძალიან მაღალია. სხვა ტოპ ლიგებში მსგავს რთულ მატჩებს ვერ ნახავთ - იუვენტუსი, ინტერი, ნაპოლი, ლაციო, რომა... აქ ყველა გამარჯვებისთვის იბრძვის.
კარიერაში ყველაფერი მოვიგე, მაგრამ ჩემი ოცნება მილანთან ერთად გამარჯვებაა. როდესაც არასდროს ნებდები, ყველაფერი შეიძლება მოხდეს. Forza Milan!"
შეგახსენებთ, მილანი 7 ტურის შემდეგ სერია A-ს ერთპიროვნული ლიდერია. მაქს ალეგრის გუნდს 16 ქულა აქვს და საკმაოდ კარგ ფორმაშია.
