2018 წელს მადრიდის რეალმა ჩემპიონთა ლიგა ზედიზედ მესამედ მოიგო. ევროპის ყველაზე ტიტულოვანი გუნდის მთავარი გმირი იმ დროს იყო კრიშტიანუ რონალდუ, რომელმაც "სამეფო კლუბის" წარმატებაში უდიდესი როლი ითამაშა. მის იმდროინდელ წარმატებას გამოეხმაურა ინტერ მაიამი, რომელმაც პორტუგალიელ ფორვარდს ყველა დროის საუკეთესო მოთამაშე უწოდა.
აღსანიშნავია ის, რომ ფლორიდული გუნდი იმ მომენტისთვის სულ რაღაც სამი თვის იყო. რამდენიმე წლის შემდეგ, აღნიშნულმა გუნდმა ამ წოდებით უკვე სხვა მოთამაშე მოიხსენია. საუბარია ლეო მესის შესახებ, რომელიც "ვაის სიტის" 2023 წლის ზაფხულში შეუერთდა. სპორტულ მედია სივრცეში დღემდე იხსენებენ იმ ფაქტს, თუ როგორ შეიცვალა დევიდ ბექჰემის კლუბმა პრიორიტეტები.
