ყოფილი ბრაზილიელი მარცხენა მცველი ხშირ შემთხვევაში თვალებსაც კი ხუჭავდა, როდესაც მადრიდის რეალის ყველა დროის საუკეთესო ბომბარდირი პენალტის დასარტყმელად ემზადებოდა. ლეგენდარულმა მე-7 ნომერმა "სამეფო კლუბის" ექს-განაპირა მცველის გვერდით გაატარა 332 მატჩი და მასზე ხშირად ის მოედანზე იმყოფებოდა მხოლოდ 3 მოთამაშესთან: კეპლერ პეპესთან, ქარიმ ბენზემასა და სერხიო რამოსთან.
აღნიშნულმა დუეტმა "ბლანკოსს" 25 ტიტული მოაგებინა. როგორც ვიცით, რამდენიმე დღის წინ, 36 წლის ყოფილმა მარცხენა მცველმა საფეხბურთო კარიერა დაასრულა და რონალდუს ეს ფაქტი არ გამორჩენია: "ჩემო ძმაო, როგორი შთამბეჭდავი კარიერა გქონდა და რამდენი დაუვიწყარი მომენტი გადავიტანეთ ერთად. არ ხარ უბრალოდ თანაგუნდელი, შენ ნამდვილი მეგობარი ხარ", - ასე გააცილა პორტუგალიელმა ფორვარდმა მარსელო.
