ალ ნასრი კვლავ დამარცხდა, ამჯერად თანაქალაქელ და უახლოეს კონკურენტ ალ ჰილალთან. აღსანიშნავია კრიშტიანუ რონალდუს უარყოფითი სტატისტიკა მეზობელ რიადელებთან: საუდის არაბეთში გადასვლის შემდეგ, ვეტერანმა პორტუგალიელმა ფორვარდმა "ლურჯებთან" 9-დან 6 შეხვედრა წააგო.
ქინგდომ არენას ბინადრებზე ხშირად, მადრიდის რეალის ყველა დროის საუკეთესო ბომბარდირი დაუმარცხებია მხოლოდ ორ გუნდს - ბარსელონასა (15) და ატლეტიკოს (10). მათ შემდეგ, პორტუგალიის ეროვნული გუნდის მე-7 ნომერთან 6-6 მოგებით მოდიან ლონდონის ჩელსი და როგორც აღვნიშნეთ, ალ ჰილალი.
გამოსარჩევია ისიც, რომ თანაქალაქელებთან მორიგი მარცხით, რიადული გუნდის წარუმატებელი სერია ოთხ მატჩამდე გაიზარდა (სამი წაგება, ერთი ფრე). რაც შეეხება "ყვითლების" სატურნირო მდგომარეობას, სიმონე ინძაგის გუნდთან ჩამორჩენა 7 ქულამდე გაიზარდა.
გუნდები, რომლებთანაც კრიშტიანუ რონალდუ ყველაზე ხშირად დამარცხებულა
| გუნდი | წაგებების რაოდენობა |
| ბარსელონა | 15 |
| ატლეტიკო | 10 |
| ჩელსი | 6 |
| ალ ჰილალი | 6 |
| მილანი | 5 |
| არსენალი | 5 |
| ალ იტიჰადი | 5 |
