2006 წლის მსოფლიო ჩემპიონატზე მონაწილეობა საერთო ჯამში 736 ფეხბურთელმა მიიღო. მათი მხრიდან შემორჩა მხოლოდ 4 ისეთი მოთამაშე, რომელსაც აშშ-ში გასამართ მუნდიალზეც ვიხილავთ. საუბარია ლიონელ მესიზე, კრიშტიანუ რონალდუზე, ლუკა მოდრიჩსა და გილიერმო ოჩოაზე.
აღსანიშნავია ისიც, რომ არგენტინელი, პორტუგალიელი და მექსიკელი ლეგენდებისთვის ეს იქნება რიგით მეექვსე მსოფლიო ჩემპიონატი, რაც ახალი მიღწევაა. რაც შეეხება ხორვატ ფლეიმეიქერს, სოლიდური ასაკის მიუხედავად, მისთვის ეს იქნება რიგით მე-5 მუნდიალი, რადგან მისი ეროვნული გუნდი 2010-ის ტურნირზე არ ყოფილა.
