გარეთ ბეილმა მადრიდის რეალისთვის საუკეთესო მწვრთნელი დაასახელა. შეგახსენებთ, რომ 13-წლიანი პაუზის შემდეგ, ევროპის ყველაზე ტიტულოვან კლუბში ჟოზე მოურინიო დაბრუნდა. უელსელმა ექს-ვინგერმა გაავლო პარალელი მასა და კარლო ანჩელოტის შორის.
"რეალში ადრეც ყოფილა შემთხვევა, როდესაც გუნდს სჭირდებოდა გადატვირთვა, თუმცა შემდეგ, მოვიდა ანჩელოტი, ვისი დამსახურებითაც არსებული სიტუაცია დალაგდა. კარლო ბრწყინვალე სპეციალისტია. ის აცნობიერებს იმ ზეწოლას, რომელიც მადრიდში შეიძლება მოთამაშეს ჰქონდეს.
იტალიელი მწვრთნელი ზრუნავს ფეხბურთელზე და მოტივაციას აძლევს მას. "სამეფო კლუბში" თავკაცზე მეტად სჭირდებათ ისეთი პიროვნება, ვინც მოთამაშეების ეგოს მართვას შეძლებს. მოუც ასეთია, უბრალოდ ის ცდილობს შეგირდებისგან მაქსიმუმის მიღებას. ყველაფერს იზამს იმისთვის, რომ შენ საქმე სწორად გააკეთო.
ჟოზეს ადრეც უმუშავია სანტიაგო ბერნაბეუზე და მან ძალიან კარგად იცის, თუ როგორია აქ მოღვაწეობის სპეციფიკა. აუცილებლად ექნება შემუშავებული გეგმა, იმისთვის, რომ მის გუნდში ყველაფერი სწორი მიმართულებით განვითარდეს", - განაცხადა უელსის ეროვნული გუნდის ექს-კაპიტანმა.
