პორტუგალია-უზბეკეთის მატჩის გმირი კრიშტიანუ რონალდუ გახდა, რომელმაც დუბლი შეასრულა და პირველი მოთამაშე გახდა, ვინც გოლი 6 მსოფლიო ჩემპიონატზე გაიტანა. ამასთან, რონალდუმ კარიერაში გატანილი გოლების რაოდენობა 975-მდე გაზარდა და კიდევ უფრო მიუახლოვდა ისტორიულ ნიშნულს.
მატჩის დასრულების შემდეგ 41 წლის ფეხბურთელმა მედიასთან ისაუბრა.
"ვიცი, რომ ვინც ბევრს შრომობს, ღმერთი მას ეხმარება. რთული კვირა იყო და ყველაფერი ისე დაიწყო, თითქოს ფეხბურთიდან უკვე წასული ვიყავი. მაგრამ გავუძელი, როგორც ყოველთვის ამასაც გავუძელი, რადგან შრომის უფრო მჯერა, ვიდრე თავად ფეხბურთის.
რთული პერიოდი იყო, ამას ვაღიარებ, მაგრამ ჩვენ დავბრუნდით.
ყველა ამბობდა, რომ კარიერა დამემთავრებინა, თუმცა მე აქ ვარ და უფრო მეტის მიღწევა მსურს."
