მსოფლიო ჩემპიონატის მორიგი მატჩი ჰიუსტონში გაიმართა, სადაც მაყურებელმა პორტუგალია-უზბეკეთის დაპირისპირება იხილა. 90 წუთის განმავლობაში რობერტო მარტინესის გუნდმა მეტოქეს ყველა კომპონენტში აჯობა და ტურნირზე პირველი გამარჯვება მოიპოვა.
მატჩის მთავარი გმირი კრიშტიანუ რონალდუ გახდა, რომელმაც დუბლი გაიფორმა და კიდევ ერთხელ დაწერა ისტორია — პორტუგალიელი სუპერვარსკვლავი გახდა პირველი მოთამაშე, ვინც გოლი 6 მსოფლიო ჩემპიონატზე გაიტანა. ამასთან, რონალდუმ კარიერაში გატანილი გოლების რაოდენობა 975-მდე გაზარდა და კიდევ უფრო მიუახლოვდა ისტორიულ ნიშნულს.
41 წლის ფეხბურთელმა კიდევ ერთხელ დაამტკიცა, რომ ასაკი მისთვის მხოლოდ ციფრებია და მსოფლიოს უდიდეს საფეხბურთო სცენაზე კვლავ გადამწყვეტი როლის შესრულება შეუძლია.
პორტუგალია 5-0 უზბეკეთი
გოლები: კრიშტიანუ რონალდუ 6', 2-0 ნუნუ მენდეში 17', 3-0 კრიშტიანუ რონალდუ 39', 4-0 აბდუვახიდ ნემატოვი (ს.კ.) 60', 5-0 რაფაელ ლეაუ 87'.
