დღეს საქართველოს ეროვნული საფეხბურთო ნაკრების მთავარმა მწვრთნელმა, ვილი სანიოლმა და ეროვნული ნაკრების კაპიტანმა უეფას ერთა ლიგის 2024/25 წლის სეზონის პირველ მატჩამდე პრესკონფერენციაზე ჟურნალისტების კითხვებს უპასუხეს.
საქართველოს ეროვნული ნაკრები, 7 სექტემბერს, 20:00 მიხეილ მესხის სახელობის სტადიონზე ჩეხეთს უმასპინძლებს.
საქართველოს ეროვნული ნაკრები, 7 სექტემბერს, 20:00 მიხეილ მესხის სახელობის სტადიონზე ჩეხეთს უმასპინძლებს.
ეროვნული საფეხბურთო ნაკრების მთავარმა მწვრთნელმა, ვილი სანიოლმა მომავალი მატჩის შესახებ ისაუბრა.
ჩეხეთის შესახებ:
ჩეხეთი ძლიერი გუნდია, სპეციფიკური სტილით თამაშობს. ბევრად კარგად უნდა ვითამაშოთ ვიდრე ევროპის ჩემპიონატზე სასურველი შედეგისთვის.
ევროპის ჩემპიონატის შემდეგ სასიამოვნო იყო შეხვედრა, თუმცა ასეთი წარმატების შემდეგ გინდა მეტ წარმატებას მიაღწიო და იმედია შევძლებთ წარმატებული ასპარეზობის გაგრძელებას.
ამ გუნდიდან ოცმა ფეხბურთელმა ითამაშა ევროპის ჩემპიონატზე. იციან იმავე შრომასა და პროფესიონალიზმს მოვითხოვ, რაც ბოლო თვეებში გამოავლინეს.
ერთა ლიგას ზოგი ამხანაგური მატჩებივით უდგება. ჩვენ ასე არ ვართ. დაწინაურება და უკეთეს გუნდთან თამაში გვსურს.
გოგლიჩიძის შესახებ:
გოგლიჩიძის შესახებ:
რამდენიმე მცველი გამოგვაკლდა. გოგლიჩიძეს ახალგაზრდული ნაკრებიდან ვიცნობთ. ემპოლიში ვნახეთ როგორ ითამაშა. ნაკრებს უნდა შეეჩვიოს და იმედია ჩვენს გუნდში შედეგიანი იქნება.
გუნდში ფსიქოლოგის მუშაობის შესახებ:
ფსიქოლოგიას დიდი მნიშვნელობა აქვს. მთავარი ის იყო, რომ მოთამაშეებმა დაიჯერეს დიდი მიზნების. ესაა მთავარი და ამ მხრივ მდგომარეობა გამოსწორდა.
გიორგი მიქაუტაძის შესახებ:
გიორგი მიქაუტაძე ძალაინ კარგი ფეხბურთელია, პროგრესირებს, ის ლიონში გაიზარდა, თუმცა ქართული პასპორტი აქვს და იმედი მაქვს, რომ საქართველოს ნაკრებთან ერთად კიდევ უფრო მეტ წარმატებას მიაღწევს.
