ევროპის ახალგაზრდულ ჩემპიონატზე გამართული პირველი მატჩი საქართველოსა და პოლონეთის ნაკრებებს შორის ჩვენი გამარჯვებით 2:1 დასრულდა.
მატჩის შემდეგ კომენტარი ჩვენი ნაკრების მთავარმა მწვრთნელმა რამაზ სვანაძემ გააკეთა.
"ჩვენი ფსიქოლოგიური მდგრადობა ამ მატჩში გამოჩნდა, რადგან გარდამავალი მატჩი იყო და ყველაფერი იცვლებოდა. მენტალურად თუ არ ხარ ძლიერი, რა დავალებაც არ უნდა მისცე ფეხბურთელებს, ასეთი თამაშებს ხასიათი იგებს.
უსახელო გუნდი დაგვარქვეს? - ამ უსახელო გუნდმა წინა ევროპის ჩემპიონატზე ჯგუფში ორი გრანდი ჩატოვა, ამ ტურნირზე ზედიზედ მეორედ გავიდა და პირველი თამაში მოიგო.
ეს კარგი დღეები დიდხანს უნდა გაგრძელდეს. არაფრის დათმობას არ ვაპირებთ და აქ წარმატება ქართული ფეხბურთისთვის ძალიან მნიშვნელოვანია", - რამაზ სვანაძე.
