"უპრეცედენტოდ მაღალი სტანდარტით იყო ორგანიზებული ევროპის ჩემპიონატი საქართველოში, რისთვისაც მადლობა მინდა გადავუხადო სპორტის სამინისტროს, მინისტრს, ბატონ შალვა გოგოლაძეს და ძიუდოს ფედერაციას. ჩვენ 2029 წელს ვუმასპინძლებთ მსოფლიო ჩემპიონატს ძიუდოში," - ასე გამოეხმაურა პრემიერ-მინისტრი ირაკლი კობახიძე, საქართველოში გამართულ ევროპის ჩემპიონატს.
შეგახსენებთ, ძიუდოში ევროპის ცემპიონატი თბილისში 16-19 აპრილს ჩატრდა. საქართველოს ძიუდოს ეროვნულმა ნაკრებმა ევროპირველობაზე ისტორიული შედეგი დააფიქსირა.
კონტინენტის პირველობაზე ქართველმა ძიუდოისტებმა პირველად მოიპოვეს ოთხი ოქროს მედალი და ისტორიაში პირველად საქართველოს ოთხი ევროპის ჩემპიონი ჰყავს, ასევე პირველად გახდა ქართველი ქალი ძიუდოისტი ევროპის ჩემპიონი. ოქროს მედლები ეთერ ლიპარტელიანმა (-57 კგ), ლაშა შავდათუაშვილმა (-73 კგ), ლუკა მაისურაძემ (-90 კგ) და გურამ თუშიშვილმა (+100) მოიპოვეს. ვერცხლის მედლები გიორგი სარდალაშვილმა (-60 კგ) და ტატო გრიგალაშვილმა (-81 კგ) , ბრინჯაოს პრიზიორი კი ილია სულამანიძე (-100 კგ) გახდა.
თბილისსი გამართულ ევროპის ცემპიონატზე 46 ქვეყნის 400-ზე მეტი ძიუდოისტი მონაწილეობდა. საქართველომ ევროპის ჩემპიონატს მეორედ უმასპინძლა, ევროპირველობა საქართველოში პირველად 2009 წელს ჩატარდა.
