"UFC-ის ივენთის საქართველოში ჩატარებასთან დაკავშირებით აქტიურად მიმდინარეობს მუშაობა. სავარაუდოდ, 2027 წლის გაზაფხულზე ჩატარდება. ღონისძიებაზე ქართველი მებრძოლები და იმედია მეც ვიასპარეზებ. რაც შეეხება ივენთის ჩატარების ადგილს, სავარაუდოდ, ეს იქნება “თბილისი არენა” რადგან ამ დროისთვის, საქართველოში ყველაზე დიდი სპორტის სასახლეა," - ამის შესახებ მერაბ დვალიშვილმა დღეს ისაუბრა.
ქართველი მებრძოლი სამშობლოში დღეს დაბრუნდა.
საქართველოს დედაქალაქი თბილისი 11 ივლისს უმასპინძლებს RAF-ის მორიგ ივენთს, სადაც მერაბ დვალიშვილი მთავარ შეხვედრაში, თავისუფალი სტილით ჭიდაობაში მისთვის კარგად ნაცნობ ჰენრი სეხუდოს დაუპირისპირდება.
