2 სექტემბერს, ვილი სანიოლის გუნდმა საგურამოში, სექტემბრის შეკრების პირველ დღეს მსუბუქად, არასრული შემადგენლობით ივარჯიშა. სექტემბრის სანაკრებო პაუზის ფარგლებში, საქართველოს ეროვნული გუნდი ერთა ლიგის ორ მატჩს გამართავს. 7 სექტემბერს, მიხეილ მესხის სახელობის სტადიონზე ნაკრები ჩეხეთს უმასპინძლებს. 10 სექტემბერს, ტირანაში, საქართველოს ნაკრების მეტოქე ალბანეთის ეროვნული გუნდი იქნება. ჩვენს ჯგუფშია უკრაინის ნაკრებიც, რომელსაც 11 ოქტომბერს დაუპირისპირდება.
ამ სტატიაში ვისაუბრებთ ჩვენი მეტოქეების შესახებ და მიმოვიხილავთ სამივე ნაკრებს:
ჩეხეთი:
საქართველოს ეროვნული ნაკრები ახალ ცილკს ჩეხეთთან მატჩით დაიწყებს. შეხვედრას მიხეილ მესხის სახელობის სტადიონი უმასპინძლებს.
ამ შეხვედრას დიდი დანაკლისით ხვდება ჩეხეთის ეროვნული ნაკრები, სადაც შეიძლება ითქვას, რომ ტრავმების ეპიდემიაა. ეროვნულ ნაკრებს სექტემბერის მატჩებში ტომაშ კალასე, მიხალ სადილეკი, დავიდ იურაშეკი, ტომაში ჰოლეში, ვიტეშლავ იაროში, ტომაშ ვლჩეკი და ინდრიშ შტანკა ვერ დაეხმარებიან, რასაც კიდევ ერთი ტრავმაც დაემატა — როგორც გაირკვა, საქართველოსთან მატჩში მონაწილეობას პრაღის სლავიას ფეხბურთელი მატეი იურაშეკიც ვერ მიიღებს, რომელმაც დაზიანება ჩეხეთის ჩემპიონატის ბოლო ტურში მიიღო. 21 წლის ფეხბურთელი ეროვნული ნაკრების შეუცვლელი წევრია. ივან ჰაშეკმა ტრავმირებული იურაშეკის ნაცვლად ნაკრებში ბოლესლავის ფეხბურთელი ვასილ კუშეი გამოიძახა.
ამ შეხვედრას დიდი დანაკლისით ხვდება ჩეხეთის ეროვნული ნაკრები, სადაც შეიძლება ითქვას, რომ ტრავმების ეპიდემიაა. ეროვნულ ნაკრებს სექტემბერის მატჩებში ტომაშ კალასე, მიხალ სადილეკი, დავიდ იურაშეკი, ტომაში ჰოლეში, ვიტეშლავ იაროში, ტომაშ ვლჩეკი და ინდრიშ შტანკა ვერ დაეხმარებიან, რასაც კიდევ ერთი ტრავმაც დაემატა — როგორც გაირკვა, საქართველოსთან მატჩში მონაწილეობას პრაღის სლავიას ფეხბურთელი მატეი იურაშეკიც ვერ მიიღებს, რომელმაც დაზიანება ჩეხეთის ჩემპიონატის ბოლო ტურში მიიღო. 21 წლის ფეხბურთელი ეროვნული ნაკრების შეუცვლელი წევრია. ივან ჰაშეკმა ტრავმირებული იურაშეკის ნაცვლად ნაკრებში ბოლესლავის ფეხბურთელი ვასილ კუშეი გამოიძახა.
ჩვენმა ნაკრებმა ჩეხეთის წინააღმდეგ ევრო 2024-ზეც ითამაშა — შეხვედრა ფრედ, 1:1 დასრულდა. სანიოლის გუნდს საკმაოდ მძიმე შეხვედრა გამოუვიდა, რადგან ჰაშეკის ბიჭებმა ქართველებს თითქმის ყველა კომპონენტში აჯობეს. იმის მიუხედავად, რომ მატჩში ანგარიში გიორგი მიქაუტაძემ გახსნა, ჩეხეთმა საკმაოდ მალე გაათანაბრა და შეხვედრის ბოლომდე დიდ უპირატესობასაც ფლობდა. მატჩის მიწურულს, საქართველოს ნაკრებს წინ გასვლა შეეძლო, თუმცა საბა ლობჟანიძემ 100%-იანი მომენტის გამოყენება ვერ მოახერხა.
ალბანეთი:
სილვინიოს გუნდს ევრო 2024-ზე საკმაოდ სუსტი პერფორმანსი ჰქონდა, თუმცა ისიც უნდა ითქვას, რომ ალბანეთი "სიკვდილის ჯგუფში" იყო. ალბანეთთან ერთად ჯგუფში წარმოდგენილი იტალია, ხორვატია და ესპანეთიც იყო. სილვინიოს გუნდმა იტალიასთან და ესპანეთთან წააგო, ხოვარტიასთან კი ფრედ, 2:2 ითამაშა.
ალბანეთის ნაკრების ბრაზილიელმა სპეციალისტმა ორ დებიუტანტს უხმო - ნახევარმცველ სებასტიან სპაჰიუსა და ფორვარდ აგიმ ზეკას. ეს ფეხბურთელები ალბანეთის 21-წლამდე ნაკრების წევრები იყვნენ.
სილვინიოს ნაკრებში ერთი იძულებითი ცვლილებაც არის — გუნდს საკმაოდ მნიშვნელოვანი ფეხბურთელი დააკლდა, კერძოდ, ბერათ ჯიმსიტიმ, რომელმაც ბოლო ვარჯიშზე დაზიანება მიიღო, რის გამოც უკრაინასა და საქართველოსთან შეხვედრებს გამოტოვებს. მთავარმა მწვრთნელმა გამოცდილი მცველის ნაცვლად, ადრიან ბაირამი გამოიძახა, რომელიც ლისაბონის ბენფიკას ფეხბურთელია.
უკრაინა:
როგორც ჩეხეთი და ალბანეთი, ისე უკრაინაც ევრო 2024-ზე იყო წარმოდგენილი. სერგეი რებროვის ნაკრებს საკმაოდ ცუდი ევროპის ჩემპიონატი ჰქონდა და ამის გამო, 50 წლის სპეციალისტის გაშვება სერიოზულად განიხილებოდა, თუმცა ფედერაციამ უკრაინელ სპეციალისტს კიდევ ერთი შანსი მისცა. იმის მიუხედავად, რომ საქართველოს ეროვნული ნაკრები სექტემბრის თამაშების დროს უკრაინასთან არ ითამაშებს, მაინც საინტერესოა, როგორ წარმოაჩენენენ თავს რებროვის ბიჭები. უკრაინა 7 სექტემბერს ალბანეთს დაუპირისპირდება, 10 სექტმებერს კი ჩეხეთთან ითამაშებს. რებროვის გუნდი ალბანეთთან საშინაო შეხვედრას პრაღაში გამართავს.
ბოლო ინფორმაციით, უკრაინა ამ სანაკრებო პაუზას დიდი დანაკლისით არ ხვდება. ლუნინი, ზაბარნი, მატვიენკო, მიკოლენკო, მუდრიკი, სუდაკოვი, ციგანკოვი, ზინჩენკო და დოვბიკი, ყველა ეს ფეხბურთელი რებროვის განკარგულებაში იქნება.
საქართველოს ეროვნული ნაკრების კალენდარი უკვე ცნობილია:
