უეფას ერთა ლიგის 2024/25 სეზონი სტარტს 7 სექტემბერს აიღებს — საქართველოს ეროვნული ნაკრები ახალ ცილკს ჩეხეთთან მატჩით დაიწყებს. შეხვედრას მიხეილ მესხის სახელობის სტადიონი უმასპინძლებს.
ამ შეხვედრას დიდი დანაკლისით ხვდება ჩეხეთის ეროვნული ნაკრები, სადაც შეიძლება ითქვას, რომ ტრავმების ეპიდემიაა. ეროვნულ ნაკრებს სექტემბერის მატჩებში ტომაშ კალასე, მიხალ სადილეკი, დავიდ იურაშეკი, ტომაში ჰოლეში, ვიტეშლავ იაროში, ტომაშ ვლჩეკი და ინდრიშ შტანკა ვერ დაეხმარებიან, რასაც კიდევ ერთი ტრავმაც დაემატა — როგორც გაირკვა, საქართველოსთან მატჩში მონაწილეობას პრაღის სლავიას ფეხბურთელი მატეი იურაშეკიც ვერ მიიღებს, რომელმაც დაზიანება ჩეხეთის ჩემპიონატის ბოლო ტურში მიიღო. 21 წლის ფეხბურთელი ეროვნული ნაკრების შეუცვლელი წევრია. ივან ჰაშეკმა ტრავმირებული იურაშეკის ნაცვლად ნაკრებში ბოლესლავის ფეხბურთელი ვასილ კუშეი გამოიძახა.
მეკარეები: მატეი კოვარი, იაკუბ მარკოვიჩი, ადამ ზადრაჟილი;
მცველები: ვლადიმირ ცოუფალი, რობინ ჰრანაჩი, ლადისლავ კრეჟჩი, დავიდ ზიმა, მარტინ ვიტიკი, იაროსლავ ზელენვი, მატეი რინესი;
ნახევარმცველები: ვაცლავ ჩერნი, ლუკაშ ჩერვი, ლუკაშ კალვაჩი, ალექს კრალი, ონდრეი ლინგრი, ლუკაშ პროვოდი, ტომაშ სოუჩეკი, პაველ შულცი, ვასილ კუშეი;
ფორვარდები/შემტევები: ტომაშ ჩვანჩარა, ადამ ჰლოჟეკი, ტომაშ ხორი, პატრიკ შიკი;