ვილიარეალის სპორტულმა დირექტორმა, მიგელ ანხელ ტენამ ისაუბრა თავისი კლუბის ფეხბურთელების მომავლის თაობაზე, მათ შორის გიორგი მიქაუტაძის შესაძლო წასვლაზეც. შეგახსენებთ, ახალგაზრდა ფორვარდის სახელს ბარსელონასა და ტოტენჰემს უკავშირებენ.
"სატრანსფერო ფანჯრის დახურვამდე შესაძლოა წინადადება მივიღოთ ნებისმიერი ფეხბურთელის თაობაზე, როგორც მიქაუტაძის ისე, სხვების. გამორიცხული არაფერია. მთავარი არის ის, რომ მოთამაშე თუ გადაწყვეტს წასვლას და ვილიარეალი დათანხმდება ტრანსფერის პირობებს, კლუბმა მალე შეარჩიოს მისი შემცვლელი.
ახალ სეზონს დალაგებული შემადგენლობით უნდა შევხვდეთ. ჟორჟი, გეიე, რომერო და სხვები - ისინი არიან მაღალი დონის ფეხბურთელები და ბუნებრივია, რომ არსებობს ინტერესი, მაგრამ ოფიციალური შეთავაზება არ მიგვიღია", - განაცხადა ესპანელმა სპორტულმა დირექტორმა.
