ბევრს ეგონა, რომ განახლებულ მადრიდის რეალში ტრენტ ალექსანდერ-არნოლდი და დენზელ დუმფრისი იქნებოდნენ კონკურენტები, თუმცა ჟოზე მოურინიოს აღნიშნულ საკითხზე სხვა ხედვა აქვს. ინგლისელი განაპირა მცველი აქტიურად იტესტება უკანახაზის ცენტრში, ასე იყო ფლორენციის ფიორენტინასა და ლეგანესთან შეხვედრებში.
"ვიოლასთან" მატჩში, რომელიც დასრულდა ანგარიშით 2:2, ლივერპულის ყოფილმა მარჯვენა მცველმა თამაში დაიწყო თავის ჩვეულ პოზიციაზე, მაგრამ შემდეგ, პორტუგალიელმა სპეციალისტმა ის უკანახაზის ცენტრში გადაწია. "პეპინეროსთან" შეხვედრაში (4:1) კი 27 წლის განაპირა მცველმა ითამაშა მარჯვნივ, ცენტრში და მარცხნივაც.
სანტიაგო ბერნაბეუს ბინადრებს ახალი საკლუბო სეზონის დაწყებამდე აქვთ კიდევ სამი ამხანაგური მატჩი - შალკესთან, დეპორტივოსა და ფერენცვაროშთან. ვნახოთ, გააგრძელებს თუ არა რეალის ახალი დამრიგებელი ექსპერიმენტებს თავისი გუნდის მე-12 ნომრის მიმართებაში.
