"ტომი და ჯერი, ბეტმენი და რობინი, ენტი და დეკი, კვარაცხელია და მიქაუტაძე. ჩამოთვლილი დუეტების სახელების წარმოთქმა არ არის მარტივი, თუმცა თითოეული მათგანი გამოცდილი და ბრძოლაგამოვლილი წყვილია. ბევრს ეგონა, რომ ევრო 2024-ზე საქართველო მთლიანად ხვიჩაზე იქნებოდა დამოკიდებული, მაგრამ ყველაფერი სხვაგვარად არის.
დიახ, პორტუგალიასთან შეხვედრის საუკეთესო ფეხბურთელად სწორედ ნაპოლის გარემარბი დასახელდა, თუმცა მას ყველაფერში დაეხმარა ჟორჟი, რომელმაც ბურთის შეგდება ჯგუფური ეტაპის სამივე მატჩში შეძლო. ქართველი ფორვარდი ევრო 2024-ის საუკეთესო გოლეადორია და მას განვლილი საკლუბო სეზონის მეორე ნახევარიც ფენომენალური ჰქონდა.
მართალია, მეცის თავდამსხმელმა ვერ მოახერხა თავისი გუნდის ლიგა 1-ში დატოვება, თუმცა მან სხვა კლუბების ყურადღება მაინც მიიქცია. მის სახელს უკავშირებენ მილანსა და დორტმუნდსაც კი, მაგრამ 23 წლის ფორვარდი უდიდესი ალბათობით, მონაკოში გადავა", - წერს ბრიტანული გამოცემა.
