"სტამბოლის შემდეგ ყოველთვის ათენი მოდის" — მილანმა და PUMA-მ 2026/27 წლების გასვლითი ფორმა წარადგინეს.
მილანმა და PUMA-მ ოფიციალურად წარადგინეს 2026/27 წლების სეზონის გასვლითი ფორმა, რომელიც კლასიკურ თეთრ ფერშია შესრულებული. კლუბის განცხადებით, ეს მაისური გამარჯვებულის მენტალიტეტს, გამძლეობასა და ყოველი მარცხის შემდეგ ხელახლა წამოდგომის უნარს გამოხატავს. სწორედ ამიტომ, მაისურის საყელოს უკანა მხარეს დატანილია ფრაზა — "სტამბოლის შემდეგ ყოველთვის ათენი მოდის“, რომელიც 2005 წლის ჩემპიონთა ლიგის ფინალის იმედგაცრუებისა და 2007 წელს ათენში მოპოვებული რევანშის სიმბოლოდ ითვლება.
From ashes to Athens 🔥
— AC Milan (@acmilan) July 21, 2026
Introducing the 26/27 @pumafootball x AC Milan Away Kit. For those who believe that after Istanbul, there’s always Athens. Out now. pic.twitter.com/8GPpdOfAx6
კამპანიის მთავარი სახე მილანის ლეგენდა ფილიპო ინძაგია, რომელმაც 2007 წლის ფინალში გადამწყვეტი როლი ითამაშა. კლუბის თქმით, ინძაგი საუკეთესოდ განასახიერებს იმ სულისკვეთებას, რომელიც "როსონერის“ წლების განმავლობაში ახასიათებდა — დაუღალავ შრომას, გამარჯვების დაუოკებელ სურვილსა და ნებისმიერი წარუმატებლობის ახალ დასაწყისად ქცევის უნარს.
