ნაპოლისა და ვიქტორ ოსიმენს შორის ყველაფერი დასრულდა - გალათასარაიმ ის 75 მილიონ ევროდ გამოისყიდა. აღნიშნული ტრანსფერის გაოფიციალურების შემდეგ, ნიგერიელი ფორვარდი შევიდა კალჩოდან ყველაზე ძვირად გაყიდულ მოთამაშეთა ტოპ 10-ში. ამ სიაში არის ხვიჩა კვარაცხელიაც, რომელიც პარის სენ-ჟერმენმა "პარტენოპეიდან" 70 მილიონად გაიფორმა.
ლიდერი რჩება უცვლელი - რომელუ ლუკაკუ და მისი ტრანსფერი მილანის ინტერიდან ლონდონის ჩელსიში 113 მილიონი ევროს სანაცვლოდ. საინტერესოა, რომ ტოპ 10-ში ჯერ კიდევ არის ზინედინ ზიდანი, რომლის ტურინის იუვენტუსიდან მადრიდის რეალში ტრანსფერი 24 წლის წინ შედგა.
10 ფეხბურთელი, რომელიც სერია ა-დან რეკორდულ ფასად გაიყიდა
| ფეხბურთელი | ტრანსფერი | თანხა |
| რომელუ ლუკაკუ | ინტერიდან - ჩელსიში | 113 მილიონი ევრო |
| პოლ პოგბა | იუვენტუსიდან - მან იუნაიტედში | 105 მილიონი ევრო |
| რასმუს ჰოილუნდი | ატალანტადან - მან იუნაიტედში | 77.8 მილიონი ევრო |
| ზინედინ ზიდანი | იუვენტუსიდან - რეალში | 77.5 მილიონი ევრო |
| ვიქტორ ოსიმენი | ნაპოლიდან - გალათასარაიში | 75 მილიონი ევრო |
| ალისონ ბეკერი | რომადან - ლივერპულში | 72.5 მილიონი ევრო |
| ხვიჩა კვარაცხელია | ნაპოლიდან - პსჟ-ში | 70 მილიონი ევრო |
| ზლატან იბრაჰიმოვიჩი | ინტერიდან - ბარსელონაში | 69.5 მილიონი ევრო |
| მატეო რეტეგი | ატალანტადან - ალ ქადსიაში | 68.25 მილიონი ევრო |
| აშრაფ ჰაკიმი | ინტერიდან - პსჟ-ში | 68 მილიონი ევრო |
