რამდენიმეკვირიანი მოლაპარაკებები საბოლოო შეთანხმებით დასრულდა — ჩაბი ალონსო ჩელსის მთავარი მწვრთნელი გახდება! როგორც გავლენიანი გამოცემები წერენ, ესპანელი სპეციალისტი ლონდონურ კლუბთან კონტრაქტს 2030 წლამდე გააფორმებს.
ჩელსიში მიაჩნიათ, რომ ჩაბი ალონსოს სათამაშო სტილი და ხედვა სრულად შეესაბამება კლუბის გრძელვადიან პროექტს. ლონდონელები ახალგაზრდა და პერსპექტიულ გუნდს აშენებენ, ხოლო ალონსომ ბოლო წლებში არაერთხელ დაამტკიცა, რომ ასეთ ფეხბურთელებთან მუშაობა მაღალ დონეზე შეუძლია.
ჩაბი ალონსოს გარდა, სიაში ანდონი ირაოლა და მარკო სილვაც იყვნენ, თუმცა საბოლოო არჩევანი მაინც ესპანელ სპეციალისტზე შეჩერდა. თუ ბოლო მომენტში რაიმე გაუთვალისწინებელი არ მოხდა, ჩელსი 44 წლის სპეციალისტს ოფიციალურად მიმდინარე თვის ბოლომდე წარადგენს.
