ფეხბურთი უკვე დიდი ხანია, რაც მსოფლიოში ყველაზე პოპულარული სპორტის სახეობაა და მას პლანეტის ნებისმიერ წერტილში უამრავი გულშემატკივარი ჰყავს.
გამონაკლისი არც ტოტალიტარული სამყარო და კერძოდ, ჩრდილოეთ კორეაა — ქვეყანას შიდა საკლუბო ჩემპიონატი აქვს და ასაკობრივი ნაკრებები ჰყავს. უფრო მეტიც, ჩრდილოეთ კორეის ეროვნულმა ნაკრებმა მსოფლიო ჩემპიონატზე ორჯერ, 1966 და 2010 წლებში ითამაშა.
2025 წლის იანვარში, ქვეყნის ლიდერი, კიმ ჩენ ინი ევროპული ფეხბურთის, კერძოდ კი ინგლისის პრემიერ ლიგის ტრანსლირებას დათანხმდა. რა თქმა უნდა, თამაშები პირდაპირ ეთერში არ გადაიცემა და კორეის ცენტრალური ტელევიზია მკაცრი ცენზურის გავლის შემდეგ უშვებს ჩანაწერებს.
ინგლისის პრემიერ ლიგა ჩრდილოეთ კორეაში
- მატჩები მუშავდება და მხოლოდ შემდეგ გადაიცემა ტელევიზიის მიერ ჩანაწერის სახით
- თითოეული მატჩის ხანგრძლივობა 90 წუთის ნაცვლად შემცირებულია 60 წუთამდე
- ინგლისური ტექსტი, რომელიც სტადიონზე ჩანს, ჩანაცვლებულია კორეულით
- კადრი, სადაც სამხრეთ კორეელი ფეხბურთელები ჩანან, იჭრება
- ნებისმიერი LGBTQ+ სიმბოლიკა ამოჭრილია
