ქართული სარაგბო ფრანჩაიზი "შავი ლომი" აგრძელებს გაძლიერებას. მე-5 ახალწვეული საქართველოს 20-წლამდელთა ნაკრებიდან,დემეტრე დევდარიანია.
დემეტრე ახალი სეზონიდან "შავი ლომის" მაისურით ითამაშებს.
დემეტრე დევდარიანი სპორტულ ოჯახს წარმოადგენს, ის ცნობილი ქართველი ფეხბურთის მწვრთნელის, გიორგი დევდარიანის შვილია, დემეტრეს ძმა ანდრია დევდარიანი კი "თელავის" ფეხბურთელია.
"შავი ლომი" 2026-2027 წლების სეზონისთვის მზადებას შეუდგა. გუნდი განახლებული შემადგენლობით „შევარდენის“ სანაკრებო ბაზაზე შევიდა და მომავალი თამაშებისთვის აქტიურად ემზადება.
"შავი ლომი" 12 სექტემბერს თბილისში, “ავჭალაზე”, იტალიურ "ბენეტონთან" ამხანაგურ თამაშს გამართავს, რის შემდეგაც ინგლისში გაემგზავრება და 18 სექტემბერს ინგლისის ჩემპიონ "ნორთჰემპტონს" შეხვდება.
ჩვენს გუნდს ჩელენჯ თასის პირველი მატჩი 17 ოქტომბერს თბილისში, უელსურ "ოსფრეიზთან" ელის, მანამდე კი რამდენიმე გასახურებელი შეხვედრა კიდევ ექნება.
