საქართველოს ეროვნულმა ქალთა საფეხბურთო ნაკრებმა უეფას ერთა ლიგის მეხუთე ტურის მატჩში გამარჯვება მოიპოვა,ჩვენი გუნდი სტუმრად ანდორას დაუპირისპირდა და 1:2 გაიმარჯვა.
ირის ანტმანის გუნდმა ანგარიში მე-12 წუთზე გახსნა. ლიზი მწყერაშვილის გადაცემის შედეგად, გოლი თინათინ ამბალიამ გაიტანა. მასპინძლებმა ანგარიში 5 წუთში გაათანაბრეს, 28-ე წუთზე კი ლიზი მწყერაშვილის საჯარიმო დარტყმით საქართველოს ნაკრები დაწინაურდა.
52-ე წუთზე ჩვენი გუნდი მოედანზე 10 ფეხბურთელით დარჩა. მსაჯმა ნინო პასიკაშვილის გაძევა. რიცხობრივი უმცირესობის მიუხედავად, საქართველოს ქალთა ნაკრებმა ანგარიში შეინარჩუნა, გამარჯვება მოიპოვა და ჯგუფში მე-3 ადგილზე გადაინაცვლა.
საქართველოს ქალთა ნაკრები ერთა ლიგის C დივიზიონის მე-2 ჯგუფში, მალტას, კვიპროსისა და ანდორას ნაკრებებთან ერთად ასპარეზობს. საქართველო 6 ქულით მე-3 ადგილზეა, ჯგუფის ლიდერი მალტაა ( 12ქულა), მეორე ადგილზე კვიპროსია (7ქულა), მეოთხე პოზიციას ანდორა იკავებს 4 ქულით.
ჯგუფის მეორე მატჩში ლიდერმა მალტამ საქართველოს ნაკრების მომავალ მეტოქეს, კვიპროსს 1:0 სძლია.
ერთა ლიგის ჯგუფური ეტაპის ბოლო შეხვედრას ჩვენი გუნდი კვიპროსის წინააღმდეგ 3 ივნისს ჩაატარებს და გამარჯვების შემთხვევაში ჯგუფში მეორე ადგილზე გადაინაცვლებს. მატჩიმიხეილ მესხი 2-ზე გაიმართება და 21:00 საათზე დაიწყება.
ფოტო: საქართველოს ფეხბურთის ფედერაცია
