რუსთავის საერთაშორისო ავტოდრომზე დრიფტში საქართველოს ჩემპიონატის მეორე ეტაპი გაიმართა, რომელიც საკმაოდ დაძაბული და საინტერესო გამოდგა.
ეტაპის გამარჯვებული 2024 წლის ჩემპიონი, ირაკლი შალიკაშვილი გახდა, რომელმაც ფინალში მათე როჭიკაშვილი დაამარცხა. მესამე ადგილზე კი ალექსანდრე ხეროდინაშვილი გავიდა.
მეორე ეტაპზე მოპოვებული გამარჯვების შემდეგ, ირაკლი შალიკაშვილი სატურნირო ცხრილს სათავეში ჩაუდგა, ხოლო საერთო რეიტინგში მეორე ადგილზე მათე როჭიკავშილი იმყოფება.
საქართველოს დრიფტის ჩემპიონატის მომდევნო, მესამე ეტაპი 30 აგვისტოს ჩატარდება.
