დღეს ბათუმში საქართველოს ახალგაზრდული ოლიმპიური ფესტივალი დაიწყება.
უმნიშვნელოვანესი ახალგაზრდული მულტისპორტული ღონისძიება სპორტის 17 სახეობაში, საქართველოს 12-ივე რეგიონის მონაწილეობით გაიმართება.
პროექტი მიზნად ისახავს სპორტის მასობრიობის ზრდას, ნიჭიერი ახალგაზრდების გამოვლენას, რეგიონების აქტიურ ჩართულობას, მომავალი ოლიმპიელების აღმოჩენას, სპორტის, ოლიმპიური მოძრაობისა და ჯანსაღი ცხოვრების წესის პოპულარიზაციას.
ოლიმპიური ფესტივალი საქართველოს ეროვნული ოლიმპიური კომიტეტის ინიციატივით და საქართველოს მთავრობის მხარდაჭერით ტარდება.
