საფეხბურთო კლუბ “რუსთავის” ორგანიზებითა და “რუსთაველი ჯგუფის” მხარდაჭერით, 3 ივნისიდან 7 ივნისის ჩათვლით, საქართველო პირველად უმასპინძლებს “სპორტინგის” საერთაშორისო კემპს.
Sporting ITC საფეხბურთო პროგრამაა და ეფუძნება Sporting Clube de Portugal-ის მეთოდოლოგიას, ერთ-ერთ ყველაზე წარმატებულ საფეხბურთო სისტემას მსოფლიოში, რომელმაც აღზარდა კრიშტიანუ რონალდუ, ლუიშ ფიგუ, ნანი და სხვა მსოფლიო დონის ფეხბურთელები. ასევე, Sporting Clube de Portugal-ის საფეხბურთო ისტორიაში მნიშვნელოვანი ადგილი უკავიათ ქართველ ფეხბურთელებს - გიორგი ქოჩორაშვილს და პაპუნა ბერუაშვილს, რაც კიდევ ერთხელ ხაზს უსვამს კლუბის საერთაშორისო მასშტაბსა და მის კავშირს ქართულ ფეხბურთთან.
“სპორტინგის” საერთაშორისო კემპი არის სწავლის, განვითარების და შთაგონების სივრცე, რომელიც აერთიანებს პროფესიონალურ ვარჯიშებს, საერთაშორისო გამოცდილებას, გუნდურ თამაშსა და დისციპლინას.
კემპი განკუთვნილია 6-დან 16 წლამდე ასაკის ბიჭებისა და გოგოებისთვის, როგორც დამწყები, ასევე გამოცდილი მოთამაშეებისთვის. კემპის განმავლობაში ბავშვები გაიუმჯობესებენ ტექნიკურ უნარებს და მიიღებენ პროფესიონალურ რჩევებს “სპორტინგის” აკადემიის მწვრთნელებისგან.
კემპის დასრულების შემდეგ საფეხბურთო კლუბ “რუსთავისა” და ქალაქ რუსთავის მერიის მხარდაჭერით 2 გამორჩეული მოთამაშე გაემგზავრება პორტუგალიაში, “სპორტინგის” აკადემიის საზაფხულო ბანაკში.
Sporting ITC წარმოადგენს საფეხბურთო კლუბ “რუსთავისა” და “რუსთაველი ჯგუფის” გრძელვადიანი სტრატეგიის ნაწილს, რომლის მიზანია საქართველოში, კერძოდ რუსთავში, Sporting Academy-ს შექმნა და ევროპული საფეხბურთო სტანდარტების დანერგვა რეგიონული მასშტაბით. ბილეთები შეიძინეთ აქ.
