ხანგრძლივი სანაკრებო პაუზის შემდეგ, ეროვნული ლიგა ბრუნდება და დღეს მე-17 ტურის ორი შეხვედრა გაიმართება.
ცენტრალური მატჩი ბათუმში შედგება, სადაც კარგ ფორმაში მყოფი დინამო ბათუმი გორის დილას დაუპირისპირდება. გასული თვე ბათუმისთვის წარმატებული იყო. აჭარლებმა 7 თამაშიდან 4 მოიგეს, 2 ფრედ დაასრულეს, ერთი კი წააგეს.
რაც შეეხება დილას, გუნდს ცუდი პერიოდი უდგას. ახალ მთავარ მწვრთნელად ლევან კორღალიძე დაინიშნა, რომელმაც თანამდებობა უკვე დატოვა და გორელებს ზედიზედ ოთხი თამაშია არ მოუგიათ. აღსანიშნავია, რომ დინამო ბათუმს დილასთვის საკუთარ მოედანზე 2022 წლის შემდეგ არ მოუგია.
საქართველოს მოქმედი გამარჯვებული იბერია საკუთარ მოედანზე სპაერს დაუპირისპირდება. იბერია ევროტურნირებისთვის მზადებას უკვე იწყებს. სანაკრებო პაუზას იბერიელები კარგი განწყობით შეხვდნენ, რადგან წინა ტურში დინამო ბათუმს მოუგეს.
სპაერს კი სეზონის კარგი სტარტის შემდეგ ჩავარდნა აქვს. ბოლო 12 თამაშიდან სპაერმა მხოლოდ ორი მოიგო და სენსაციის დაფიქსირებას ლიდერ იბერიასთან შეეცდებიან.
ეროვნული ლიგის მე-17 ტურის კალენდარი
12 ივნისი
19:00 იბერია - სპაერი (მიხეილ მესხის სტადიონი, თბილისი)
21:00 დინამო ბათუმი - დილა (ბათუმი არენა, ბათუმი)
13 ივნისი
19:00 რუსთავი - მეშახტე (დავით პეტრიაშვილი, თბილისი)
21:00 სამგურალი - ტორპედო (საფეხბურთო ცენტრი, წყალტუბო)
14 ივნისი
20:00 გაგრა - დინამო თბილისი (დავით პეტრიაშვილი, თბილისი)
